Kalaja e Lezhës
Kalaja e Lezhës, ndër shekuj
Kalaja e Lezhës ngrihet mbi kodrën në lindje të qytetit, duke ofruar pamje panoramike mbi Lezhën, luginën e Drinit dhe detin Adriatik. Ajo është pjesë e qytetit antik të Lisit dhe një nga monumentet kryesore të trashëgimisë kulturore të zonës.
Kalaja ruan gjurmë të arkitekturës ilire, romake, bizantine, veneciane dhe osmane. Rindërtimet gjatë shekujve kanë krijuar ndërthurjen e mureve, kullave dhe hapësirave të brendshme që shihen sot.
Vizitorët mund të eksplorojnë fortifikimet, rrënojat e ndërtimeve historike dhe mbetjet e xhamisë, duke njohur fazat e ndryshme të zhvillimit të kalasë.
Planifikoni vizitën
Hyrje pa pagesë dhe tarifa të reduktuara. Ju lutemi mbani me vete dokumentin përkatës. Përfitimi zbatohet pas paraqitjes së dokumentit, kartës, vërtetimit apo lejes së kërkuar.
Sipas urdhrit nr. 715, datë 10.12.2019, të ministrit përgjegjës për trashëgiminë kulturore.
Bileta dhe përfitime
200 lekë / person
Tarifë për vizitorët vendas dhe të huaj në grupe me më shumë se 12 persona.
70% reduktim
- Studentët me kartë studenti, sipas urdhrit të përbashkët nr. 418, datë 30.07.2019.
- Fëmijët nga 12 deri në 18 vjeç, me dokument zyrtar provues.
50% reduktim
- Jetimët me status sipas ligjit nr. 8153, datë 31.10.1996, i ndryshuar, dhe kujdestarët e tyre ligjorë, me dëshmi zyrtare identifikimi.
- Invalidët me status sipas ligjit nr. 7889, datë 14.12.1994, i ndryshuar, dhe kujdestarët e tyre ligjorë, me dëshmi zyrtare identifikimi.
- Pensionistët, me dokument zyrtar provues.
Ditët me hyrje pa pagesë
Për të gjithë vizitorët
18 prill
Dita Ndërkombëtare e Monumenteve / Dita Ndërkombëtare e Trashëgimisë Kulturore.
21 maj
Dita Ndërkombëtare e Diversitetit Kulturor për Dialog dhe Zhvillim.
29 shtator
Ditët Evropiane të Trashëgimisë Kulturore.
Vetëm për shtetasit shqiptarë
28 nëntor
Dita e Pavarësisë.
29 nëntor
Dita Kombëtare e Çlirimit.
E diela e fundit e çdo muaji
Hyrje pa pagesë për shtetasit shqiptarë.
Kategoritë me hyrje pa pagesë
Arsimi dhe kategori të mbrojtura
- Fëmijët nën 12 vjeç, me dokument zyrtar provues.
- Studentët në ekspedita mësimore dhe leksione të hapura, të organizuara, me vërtetim nga enti përkatës.
- Nxënësit e arsimit parashkollor, nëntëvjeçar dhe parauniversitar, gjatë orëve mësimore apo programit “Edukimi përmes Kulturës”, me vërtetim nga enti përkatës, si dhe shoqëruesit e tyre.
- Veteranët e luftës me status sipas ligjit nr. 7874, datë 17.11.1994, i ndryshuar, dhe dëshmi zyrtare identifikimi.
- Ish-të dënuarit dhe të përndjekurit politikë me status sipas ligjit nr. 7748, datë 29.07.1993, i ndryshuar, dhe dëshmi zyrtare identifikimi.
- Invalidët paraplegjikë dhe tetraplegjikë me status sipas ligjit nr. 8626, datë 22.06.2000, i ndryshuar, dhe dëshmi zyrtare identifikimi, si dhe personat që i shoqërojnë.
Vizita dhe veprimtari të autorizuara
- Delegacionet zyrtare shtetërore.
- Punonjësit e ministrisë përgjegjëse për trashëgiminë kulturore dhe të institucioneve në varësi të saj, me dokument identifikimi nga titullari i institucionit.
- Individët që kanë shtëpi banimi, pronë apo biznes, ose janë të punësuar pranë tyre, brenda kufijve të parkut arkeologjik apo monumentit të kulturës, me leje nga titullari i institucionit administrues.
- Individët që ushtrojnë veprimtari të përkohshme ose të përhershme brenda kufijve të parkut arkeologjik apo monumentit të kulturës, me leje të vlefshme nga drejtuesi i institucionit administrues.
- Anëtarët me kartë ICOMOS.
- Guidat turistike të licencuara nga ministria përgjegjëse për turizmin, gjatë shoqërimit të grupit të turistëve.
- Rastet e parashikuara në marrëveshje dypalëshe, të miratuara nga ministria përgjegjëse për kulturën, ndërmjet institucioneve të trashëgimisë kulturore dhe palëve të treta, për ruajtjen, mbrojtjen dhe promovimin e pasurisë kulturore.
